ورشة جلوريفا المنهجية لـ مهندسي التجميل

مساء الخير. طبعاً البدء بتصنيع المنتج ضمن ظروف قياسية مثالية، هو هاد بالذات اللي سميناه "فخ وهم المختبر". لأن التصنيع الحقيقي بيتطلب هندسة للمنتج عشان يصمد معك بظروف السوق؛ وظروف السوق قاسية ومش متوقعة، وعشان هيك لازم يكون التصنيع حقيقي، وإلا فخ وهم المختبر رح يفشل المنتج. بخصوص بعض التفاصيل التقنية عن الظروف اللي حكينا عنها ولازم نراعيها دائماً لما نبدأ نصنع: أولاً، عندنا الأيديال كونديشنز (Ideal Conditions) أو الظروف المثالية؛ وزي ما حكينا بالمحاضرة، التصنيع داخل بيئة مخبرية مكيفة وبعبوات أو بيكر 100 مل، هاد أبداً مش معيار لنجاحه بالواقع، وغالباً هاد المنتج بيتعرض للي بنسميه "الفشل الصامت" نتيجة المتغيرات اللي مش موجودة بظروف المختبر القياسية. ثانياً، عندنا السكيلينج أب (Scaling up) أو الارتقاء الصناعي؛ لما ننتقل من خط إنتاج 100 جرام إلى طن أو 1000 لتر مثلاً، هون الظروف الفيزيائية بتتغير تماماً، مثل توزيع الحرارة واختلاف وقت التبريد. وفي عامل كثير مهم لازم دائماً نحطه بالاعتبار، وهو "هندسة المرونة المناخية"؛ يعني هاد المنتج ممكن يكون موجه لسوق الخليج بالصيف والحرارة بتوصل لـ 50 درجة، فلازم دائماً أعمل تطوير متوافق مع المناخ الموجه إله، وأحسب حساب كعقلية هندسية للمتغيرات اللوجستية، لأن التصنيع الاحترافي مش بيكر بمختبر، التصنيع الاحترافي مكانه رف البيع العالمي.

الحقيقة، أكثر سبب بيتكرر وشائع جداً لهي الظاهرة هو "فخ وهم المختبر"، وعدم الارتقاء بديناميكيات الـ "سكيلينج أب" الصناعية. الأسباب الجوهرية دائماً بتتعلق بتغير الفيزياء؛ يعني لما نكبر الحجم من 100 مل لمكسر صناعي سعة 1000 لتر مثلاً، هون الفيزياء بتتغير، وبتتغير معها قوى القص، وبيتفاوت توزيع الحرارة، هاد غير عدم الاهتمام بالمتغيرات اللوجستية والمناخية والمكان اللي موجه إله المنتج. كمان في إشي بيوقع فيه كل المبتدئين وهو غياب "هندسة الثبات" (Stability Engineering)، وهاد معناه عدم ضمان ديمومة وبقاء المنتج واستمراريته. وفي شغلة كمان حكينا عنها بالمحاضرة وهي الـ "Compatibility" أو التوافق مع العبوة. كل هاي الأسباب هي الأساس والفاصل بين منتج عالمي، وبين هاوي عم بجيب وصفة وبخلطها ببيكر ويفكر حاله خلص!

ملاحظة وسؤال دقيق جداً! التجربة العشوائية على البشرة بدون أساس علمي ممكن تؤدي أحياناً لنتائج كارثية. وعشان نضمن نجاح المنتج وسلامته قبل ما يوصل للعميل، لازم ننتقل -زي ما حكينا طول المحاضرة- من عقلية الهاوي اللي بتعتمد على التجربة والخطأ، لعقلية المهندس اللي بتعتمد على اليقين والثقة. عندنا قواعد ذهبية باختبارات الثبات والتحقق الصارم من المنتج قبل ما يوصل للعميل; أولها اختبار كفاءة المواد الحافظة (PET) عشان نضمن إنه نظام المادة الحافظة بيمنع نمو البكتيريا والعفن مع مرور الوقت ويحمي المنتج من التخرب الميكروبي. الاختبار الثاني هو الـ Accelerated Stability أو اختبار الثبات المتسارع، وهاد أساسي عشان نعرف مدة صلاحية المنتج وقديه بقدر يصمد بأجواء بيئية ومناخية قاسية. والملاحظة المهمة جداً اللي لازم تحطوها بالبال: نجاح المنتج مش بغلاء المواد الأولية أو الفعالة، نجاحه بضمان استقرار النظام اللي وضعتوا فيه هاي المواد، عشان تضمنوا وصولها للطبقة المستهدفة (الطبقة القرنية بالجلد) وإن المنتج يضل ثابت خلال فترة التخزين والشحن والاستخدام من قبل العميل.

طبعاً بالعلوم الصناعية نحن بنعلم دائماً فلسفة التصنيع بشكل أكاديمي، وعندنا إشي اسمه "فلسفة التوسع الآمن"، لأن مثل ما تفضلتي، المجازفة بكميات كبيرة بدون أساس علمي هو فعلاً انتحار استثماري بعالم التجارة والصناعة. الحل مش بإنك تكبري الوعاء وخلاص؛ يعني إذا ضابطة معك بوعاء 100 مل مش معناه إذا كبرتيه لـ 1000 لتر رح تضبط بنفس الطريقة! الأساس هون هو "هندسة الارتقاء الصناعي" (السكيلينج أب)، واللي رح نشرحها بالتفصيل بالكورس؛ كيف تنتقلي من 100 جرام لـ 1000 لتر بأساس علمي يراعي قوى القص اللي بتختلف تماماً بين بيكر صغير ومكسر صناعي ضخم. والقاعدة الذهبية بتقول: ما في إنتاج تجاري بدون اختبارات الثبات المتسارع واختبار الـ PET للمواد الحافظة، وإلا بتكوني عم بترموا منتجك بالسوق على الحظ، وممكن ينجح وممكن يفشل وهاد انتحار استثماري. السر العلمي الأساسي اللي بنعتمد عليه وبندرسكم إياه بالكورس هو "مقياس أو ميزان الـ HLB"، هاد هو الأساس العلمي لنجاح التركيبة، بالإضافة لمعايير ثانية مثل قطبية المواد وامتزاجها، وهي أمور أساسية جداً لثبات التركيبة.

طبعاً هاد واحد من المواقف اللي بتعمل إحباط كبير عند أي حدا بشتغل بهاد المجال. هاد الشيء بالضبط اللي سميناه بالمحاضرة "فخ الفشل الصامت" (Silent Failure). في أسباب كثيرة محتملة لهي المشكلة، منها اختلال ميزان الـ HLB، أو انهيار ريولوجيا المنتج؛ والـ (Rheology) اللي بنقصدها بالمحاضرة مش مجرد لزوجة، هي عبارة عن درع كامل لحماية المنتج واستقراره. وممكن كمان يكون السبب إنك جربتي المنتج بنجاح بالمختبر بوعاء 100 مل، بس لما انتقلتي لتصنيع ضخم ظهرت المشكلة الكبيرة اللي كنا بنحكي عنها. كل هاي الأسباب بصلب محاضرتنا ورح نفصلها بالكامل.

طبعاً هاد نوع من أنواع الفشل الفيزيائي اللي حكينا عنه، وهو انهيار الاستقرار، والسبب الدقيق هون هو الـ Oxidation أو عملية الأكسدة الضوئية. هاي العملية بتصير لما ما يكون في حماية للمواد الفعالة من الأكسدة. الحلول الهندسية اللي بنستخدمها بتبدأ من البداية بتصميم نظام مضاد للأكسدة (Antioxidant System) داخل النظام الكيميائي للمنتج. كمان في دراسة خاصة لاستقرار الفيتامينات أو المواد الحساسة، لأن إلها نظام خاص وبندرسها بشكل كيميائي لحمايتها، ولازم الـ pH يضل ثابت دائماً. هاد غير إنه خلال عملية التعبئة لازم نختار عبوات بمواصفات خاصة لهيك منتجات، عشان نستخدم المضخة المناسبة والنوع الصح من البلاستيك أو المادة المصنوعة منها العبوة.

طبعاً هاي هي الفجوة الكبيرة بين المعلومة النظرية والتطبيق الواقعي، وهي بالضبط اللي خلتنا نعمل هاي الورشة العملية ونصمم منهج مختلف تماماً بيعتمد على "اليقين الهندسي"، مش مجرد فورميولاز أو وصفات بنعطيكم إياها عشان تخلطوا مواد وخلاص. المقاعد عندنا محدودة والسبب هو إننا بنقدم متابعة مستمرة مع كل شخص بسجل معنا. معيار الجودة عندنا في المتابعة الفنية عالي جداً، والدعم بكون من خبراء ميدانيين موجودين دائماً وعلى تواصل مستمر مع طلابنا من خلال جلسات نقاش، بالإضافة للأهم من هاد كله وهو "الحصانة العلمية" من فشل التركيبات والتصنيع اللي رح نعطيكم إياها بالكورس.

طبعاً سؤال في غاية الأهمية لأي حدا حابب يصنع. بـ "جلوريفا سلوشنز" بنسمي هاد الإشي "هندسة الاختيار للمادة الخام"، لأن المكون مش مجرد عنصر بيدخل بالتركيبة، هو الأساس للمكونات الأولية اللي بتعطينا المنتج النهائي. عشان هيك، بـ كورسنا ما بنكتفي بس بإننا نعطيكم أسماء مواد (يعني مثلاً ما بنقولك استخدم فيتامين سي وبس)، لاء، نحن بنعطيك القدرة التقنية لتقييم المورد نفسه، وبنعلم الطالب كيف يعرف بنفسه إذا هاي المادة نقية، ممتازة، ومناسبة للاستخدام بالتركيبة الصناعية أولا.

طبعاً تغير اللون سواء بالسبلاش أو أي مستحضر تجميلي مع الوقت هو أوضح علامة على "الفشل الصامت" (Silent Failure)، وهاد بصير بسبب غياب العقلية الهندسية. السبب الكيميائي وراء تغير اللون ممكن يكون الـ Compatibility وهي عبارة عن تفاعل مباشر بين المكونات، وبالأخص المواد الفعالة مع الأكسجين (O2). ومن العوامل اللي بتسرّع الأكسدة هي وجود شوائب بالمواد الأولية؛ يعني المادة إذا ما كانت نقية وبتحتوي على شوائب معدنية، هاد الإشي بحفز الأكسدة وبسرّعها. كمان الـ pH وظاهرة هجرة المكونات إلها دور كبير. هل العطر أو المواد الحافظة إلها علاقة؟ نعم، بعض العطور إلها علاقة لأن العطر مركب كيميائي معقد وحساس جداً، فإذا غابت "هندسة التوافق" بين العطر وباقي المكونات، أو إذا تعرض لأكسدة مبكرة بسبب التخزين السيء قبل ما يوصل للعميل، هاد بيجعله مادة ميتة وظيفياً بتتفاعل وبتغير الألوان. وأول سبب بنتوجه إله بالتركيبة عادةً هو المواد الحافظة لأنها هي اللي بتلعب بالـ pH وتغيره.

يا هلا. بخصوص الشهادة اللي رح تحصلي عليها، هي كورس موثق ومختوم من جلوريفا سلوشنز (Gloriva Solutions) وفق البروتوكولات الأوروبية والبريطانية المعتمدة، وشركتنا مسجلة في بريطانيا وعشان هيك شهادتها موثوقة وعالمية. أما بخصوص التراخيص والعمل القانوني، طبعاً أكيد بنساعد بهاد الموضوع، ومع إنه الشروط بتختلف من بلد لبلد، بس بنقدر نوجهك ونعطيك الخطوط الأساسية لأي بلد كنتِ فيها. وفيما يتعلق ببناء العلامة التجارية والتراخيص، نحن بنساعد بتصميم هوية البراند بشكل فاخر (Luxury) وجاهز، وكمان بنساعد بملفات التسجيل والتراخيص الرسمية اللي بتطلبها هيئات الغذاء والدواء الإقليمية والعالمية، لأنها بتشترط تفاصيل دقيقة جداً بالملفات وعندنا خبرة طويلة فيها. وواحدة من الخدمات القوية اللي بنقدمها هي البرايفت ليبل (Private Label)؛ يعني بنصنعلك ومنبيع عالمياً باسم البراند الخاص فيكِ، هاد غير خدمات تطوير وتعديل التركيبات إذا عندك تركيبة حابة تطوريها، كل هاد موجود بجلوريفا.

هاد السؤال من الأسئلة المهمة وذكية جداً. طبعاً السوق مليان دورات وكورسات، بس الفارق اللي بنقدمه هو الفارق بين مجرد هواية وبين "السيادة التجارية". نحن ما بنعلم "وصفات" (Formulas)، نحن بنعطي منهج كامل لتصميم أنظمة تجميلية مناسبة للسوق الصناعي الضخم. بنعلمك كيف تحولي المنتج التجريبي اللي عملتيه بالبيت لمكسر صناعي ضخم، وهاد اللي بنسميه "اليقين الهندسي" والتصميم المستقر للمنتج، عشان تطلعي من "فخ وهم المختبر" تماماً. كمان بنعلمك ديناميكيات الارتقاء الصناعي (السكيلينج أب)، وهاد الشيء مش رح تشوفيه بأي كورس ثاني، هاد غير الأساسيات الكيميائية اللي لازم يتعلمها أي شخص حتى لو مش كيميائي، مثل نظام الـ HLB اللي هو المفتاح الأساسي لاستقرار أي نظام كيميائي تجميلي، ومن خلاله بنمنع أسباب انهيار المنتج الأربعة اللي شرحناها بالمحاضرة. وبنعلمكم كمان "سيكولوجية الفخامة" كيف تطلعوا براند لوكجري وعالي الجودة، والمتابعة ما بعد الكورس والمساعدة بالاعتمادات البريطانية وملفات هيئات الغذاء والدواء.

بيسعدنا جداً هاد الحماس وحب الانتقال لمرحلة هندسية متطورة! طبعاً طريقة الحجز والاقساط والخصومات وكل هي الأمور المالية بتابعوها معك المسؤولين عن المتابعة ورح يعطوكِ كل التفاصيل كاملة. من جهتنا نحن بالقسم الفني، بس بكون في اختبار صغير وبسيط قبل قبول التسجيل لضمان الجاهزية.

طبعاً هاد الشيء مؤسف جداً وبعمل إحباط للشخص اللي بيتعب بشغله. هاد هو نفسه "الفشل الصامت" (Silent Failure). واضح إنه التركيبة انعملت بشكل جاهز ومش مدروس هندسياً؛ والسبب الأساسي بالدرجة الأولى هو الـ pH وانزياحه (pH shift)، وأول إشي بنفكر فيه كمسبب لهاد الانزياح هو المادة الحافظة نفسها. ممكن يكون في أسباب ثانية مثل جودة المواد الخام وجود شوائب معدنية أو تفاعلية فيها. وبما إنه المنتج سيروم مائي، لازم نأخذ هاد الإشي بعين الاعتبار، لأن الأوساط المائية بنسبة عالية بتحتاج لأنظمة حفظ قوية جداً مقارنة بالمنتجات الثانية، لإنها بتكون سريعة التخرب ووسط ممتاز لنمو الفطريات والبكتيريا اللي بتخرب المنتج فوراً. وكمان ممكن يكون المنتج اتوجه لبيئة بحرارة أو رطوبة عالية، يعني "هندسة المرونة المناخية" بالمنتج كانت غائبة.

هاد الكلام هو بالظبط "انهيار الريولوجيا" اللي حكينا عنه بالمحاضرة. وعشان نفهم سبب هاد الانهيار، نحن بالعقلية الهندسية ما بنطلع على اللزوجة كإنها مجرد قوام، اللزوجة هي الضامن الأول لثبات النظام التجميلي وصمام الأمان للمنتج. اللي صار إنه اللوشن فشل في درع الثبات الحراري؛ فالمنتج اللي بنصنعه ببيئة مكيفة وهادية بالمختبر غالباً رح ينهار لما يواجه حرارة الصيف، لأن الارتفاع بالحرارة بفكك الشبكة البوليميرية الداخلية اللي بتربط المكونات، فتحول الكريم من ملمس مخملي فاخر لسائل لزج بيفقد قيمته التجارية وببطل المستهلك يقبل يستخدمه. الأساس عشان نضمن المنتج هو اختبارين أساسيين: الـ PET للمواد الحافظة، واختبار الثبات المتسارع، ولازم من البداية يكون اللوشن مصمم هندسياً على أساس ميزان الـ HLB.

هاي الحالة هي اللي سميناها بالمحاضرة "عشوائية الخلط". عشان نرفع كفاءة الترطيب مع الحفاظ على ملمس مخملي، في عندنا بالكيمياء إشي اسمه "هندسة الانتشار"، وهاد بيعطينا امتصاص سريع وذكي. بنلجأ مثلاً لاستخدام مادة سريعة الامتصاص بنسميها "قائد الأوركسترا" مثل (Isopropyl Myristate) وهي مادة مهمة جداً بهاد المجال. وللملمس المخملي بنلجأ دائماً لاستخدام شموع تعطينا هاد الملمس وبالأخص (Cetyl Alcohol). وإذا بدنا نعدل على الزيوت الطبيعية الثقيلة بننصح بـ (Caprylic/Capric Triglyceride). وعشان نمنع الرغوة اللي بتظهر أثناء التدليك على الجلد بنستخدم سيليكونات مثل (Dimethicone / Silicon Oil 350). لكن دائماً الأساس عشان نحدد نسب هاي المواد هو الاعتماد على الـ HLB كميزان دقيق للتركيبة.

طبعاً وبشكل قاطع نعم، وبمستوى كبير كمان! هاي التقنيات نحن بنسميها "المنطقة الثالثة" (منطقة النخبة) بالمستوى الثالث من الكورس، وهي الميزات اللي بتفصل البراندات العالمية الكبرى عن أي منتج تقليدي بالأسواق المحلية. بالمستوى الثالث رح نتعامل مع تقنية الليبوزوم (Liposome) مش كإنه مادة خام غامضة، لاء، رح نتعلم كيف نستخدمها كمعلق أو ككبسولات ونعطيكم مثال عملي عليها. كمان رح نتعلم واقيات الشمس الفيزيائية الشفافة وغير الشفافة وكيف بيفكروا فيها البراندات العالمية، بالإضافة لمنتج بدأ يكتسح السوق العالمي وهو "السيروم المعلّق"، وكل هاي الأسرار الخاصة بالبراندات الكبيرة رح تكون بين إيديكوا.

طبعاً هاي كمان حالة من حالات "الفشل الصامت" (Silent Failure). مجرد تغير لون السيروم من الشفاف للأصفر -حتى لو القوام ضل ثابت- هو عبارة عن انهيار كيميائي داخلي كامل. المصمم التقليدي ممكن يقول هاد مجرد تغير لون والمنتج ملمسه سليم، بس هندسياً هاد انهيار! الأسباب كثيرة مثل الأكسدة (Oxidation)، نقاوة المواد الخام، انزياح الـ pH، والمواد الحافظة، بالإضافة لنوع العطر التركيبي وهل هو مستحلب مائي أو زيتي؛ وهاد بيحتاج دراسة مفصلة. وعشان نحدد السبب ونعالج المشكلة، الأفضل دائماً هي الإجراءات الوقائية؛ يعني لما أعمل عينة صغيرة بعمللها فوراً اختبارات الثبات المتسارع واختبار الـ PET، وقبل ما نخلط المواد الخام لازم نراجع شهادات التحليل الخاصة فيها الـ (COA).

طبعاً هاد الشغف هو الخطوة الأولى والأهم بالمشروع، والقلق من غياب الخلفية العلمية هو أمر طبيعي جداً. فلسفة الكورس عندنا مصممة عشان تبدأ من الصفر تماماً وتوصلك للاحتراف وللبراند العالمي بدون الحاجة لشهادة كيمياء أو صيدلة أو هندسة؛ هاد مش هو الأساس، الأساس هو مدى تقبلك وفهمك للفلسفة المنهجية اللي بنعطيها مع شوية أمور كيميائية بسيطة أي شخص بقدر يفهمها. البرنامج متكامل وبيتكون من 3 مستويات: المستوى الأول هو المسار التأسيسي من الصفر، والمستوى الثاني والثالث بيوصلوا بالطالب للارتقاء الكامل بالفكر الهندسي والابتكار والتميز. وبعض المحاضرات بتتطرق لفلسفة الـ B2B (Business to Business) على المستوى العالمي وتطوير التركيبات، هاد بالإضافة لخدمات "جلوريفا سلوشنز" اللي بنقدمها من تراخيص وشهادات معتمدة تطابق المعايير الأوروبية والبريطانية، وكيف الطالب يقدر يقيم جودة ونقاوة خاماته بنفسه.

هاد السؤال إله أسباب محددة؛ منها درجة الحرارة عند الاستخدام وخاصة إذا التركيبة فيها وسطين، وبالأخص طور زيتي بيحتوي على شموع فبيعمل هاد الإشي. والسبب الجوهري هو إن نظام الـ HLB مش مضبوط ومش متجانس بين الطور المائي والطور الزيتي. أما بالنسبة للتغطية، فهاي بتعتمد مباشرة على نوعية المواد المستخدمة، ونسبة الشموع إلها علاقة أساسية ومباشرة بالمادة نفسها اللي بنستخدمها للتغطية.

أكيد طبعاً وبكل سرور! الاستشارات الشخصية، تصميم تركيبات خاصة، أو تطوير وتعديل المنتجات؛ كلها من الخدمات الأساسية اللي بنقدمها بـ جلوريفا سلوشنز. هاد بالإضافة لخدمات التسجيل، التراخيص، تجهيز الأوراق الرسمية، وخدمات البرايفت ليبل للتصنيع والبيع عالمياً، وكل ما يلزم براندك بنقدمه بكفاءة عالية بجلوريفا.